søkt verður eftir námsfrøðingum at byrja 14. august
Dagstovnurin Lítlifløttur søkir námsfrøðingar.
Søkt verður eftir trimum námsfrøðingum at arbeiða 30 - 40 tímar um vikuna, at byrja 14. august 2017.
Søkt verður eisini eftir einum námsfrøðingi 24 tímar um vikuna. Talan er um eitt farloyvisstarv í Frítíðarstovuni frá 14. august 2017 til 30. juni 2018.
Vit ynskja
- at tú hevur hug og áræði at skapa ein fjølbroyttan og tryggan gerandisdag, við virðing fyri tí einstaka barninum - at tú kanst taka ábyrgd og virka í góðum samstarvi við starvsfelagar og foreldur - at tær dámar væl at vera úti og sært møguleikar og avbjóðingar, sum eru í nærumhvørvinum - at tú verður við til at mynda og menna okkara námsfrøðiliga umhvørvi.
Vit kunnu bjóða
eitt sjálvstøðugt og áhugavert starv á einum stovni, har tú saman við tínum starvsfeløgum, ert við til at byggja upp eitt spennandi námsfrøðiligt umhvørvi.
Setanarviðurskifti
Løn sambært sáttmála millum Føroya Pedagogfelag og Kommunala Arbeiðsgevarafelagið.
Meira fæst at vita um starvið við at tosa við Sóleyð Debes Joensen, leiðara, á tlf. 232747 ella Bjørg Olsen, varaleiðara, á tlf. 747929
Umsókn við avriti av prógvum og møguligum viðmælum, skulu vera okkum í hendi í seinasta lagi 5. juli 2017, kl. 12 og sendast til:
Dagstovnurin Lítlifløttur
Fløtuvegur 82
490 Strendur
ella við telduposti á:
Denne e-mail adresse bliver beskyttet mod spambots. Du skal have JavaScript aktiveret for at vise den.
