Sjovarkommuna

Helena og Astrid 40 ára starvsdag

Helena og Astrid 40 ára starvsdag

Hátíðarhald var á Sjóvarlon í dag í samband við, at Helena Berthelsen og Astrid Anthoniussen høvdu 40 ára starvsdag í heimatænastuni á vestara armi á Skálafjørðinum.

Helena og Astrid hava gjøgnum árini starvast á ymsum arbeiðsplássum innan heilsurøktina, men eru nú báðar í starvi á Sjóvarlon, og nógv varð gjørt burturúr til tess at fagna teimum báðum á starvsdegnum í dag. Starvsfelagar, búfólk, familja og onnur vóru við at seta dám á løtuna.

Gunn H. Olsen, leiðari á Sjóvarlon, segði nøkur orð um høvðuspersónarnar báðar, áðrenn gávur og blómutyssi vóru handaði teimum báðum. Gunn vísti m.a. á, hvussu tær á hvør sín hátt hava givið sítt stóra íkast til heimatænastuna í økinum. Gávur og blómutyssi vóru handað av Gunn, vegna Sjóvarlon, Jóngerð Guttesen, leiðari á Roðanum og Mary Antonsdóttir, forkvinnu í Heilsuhjálparafelag Føroya.

Eftir handanina fóru harmonikan og gittarin at spæla undir til felagssang, har m.a. ein sangur, sum starvsfelagarnir á Sjóvarlon hava yrkt til høvið, varð sungin. Aftaná var ábit við pinnamati, køkum og kaffi.

Sjóvar kommuna ynskir Helenu og Astrid hjartaliga til lukku við 40 ára starvsdøgunum, við ynskjum um blíðan byr frameftir.

Myndir frá hátíðarløtuni eru at síggja í myndasavninum.

 

Fylg byggingini av vøggustovum

IMG 4193

Fylg útstykkingini

Útstykkingin

Alment kort Sjóvar kommuna

kort

Ruskpláss og endurnýtsla

ruskplass

Musikkskúlin

musikkskúli

Økispsykiatri

økispsykiatri

Vitjunartænastan

besoegsvenner lille

Økistænastan

00 Roðin búmerki

Barnatannrøktin

tannlakni

Kampingplássið á Selatrað

kamping_025

Lítlifløttur

litliflottur5

Missiónshúsið

missiónshusið

Sjóvar kommuna

  • Skúlavegur 10
  • FO-490 Strendur
  • Tel. 47 27 27
  • Fax. 47 27 28

Kontonummur:

  • BetriBanki:
  • 9181-292.542.9
  • BankNordik:
  •  6460-200.058.1
  • Barnaansing:
  • 9181-132.160.0
  • Kvøldskúlin:
  • 6460-160.546.3
  • Teldlar:
  • 9181-383.448.6

Avgreiðslutíðir:

  • Mán-frí: 08.30-12.00